Árið gert upp – Helstu erlendu golffréttir febrúar 2018

1. febrúar 2018 var frétt þess efnis að nakinn maður hefði stolið senunni á móti vikunnar á PGA Tour, Waste Management Phoenix Open Á hinni sögufrægu par-3 16. braut sem umlukin er áhorfendapöllum, sem mörg þúsundir áhorfenda verja tíma sínum til að fylgjast með keppendum hljóp nakinn maður um á brautinni. Sumir gera ALLT fyrir frægðina!

2. febrúar var í fréttum að norska frænka okkar Suzann Petterson hefði borið tilbaka að hún hefði kallað Trump Bandaríkjaforseta svindlara. Sagði hún að þetta væru „fake news”!!!

Það var Gary Woodland sem sigraði á Phoenix Open 4. febrúar 2018.

Þann 5. febrúar fóru nýsjálensk hjón, frá New Plymouth Colin og Terri Heyes bæði fóru holu í höggi á sama hring. Þau spiluðu 18 holur á Ngamotu golfvellinum í Nýja-Sjálandi og fékk Colin sinn ás á 9. holu og Terri fékk ásinn sinn á 14. holu.

Þann 6. febrúar voru fréttir á Golf 1 þess efnis að Martin Kaymer væri að deita 14 árum eldri konu, Melanie Sykes.

Þann 9. febrúar 2018 hófust Vetrarólympíuleikar 2018 í Pyeongchang S-Kóreu með stórri opnunarhátíð. Það var S-kóreanski kvenkylfingurinn Se Ri Pak, 40 ára, sem bar fána S-Kóreu, en Pak var þjálfari kvennagolfliðs S-Kóreu á sumarólympíuleikunum 2016.

Þann 10. febrúar voru fréttir um að Claret bikar John Daly væri til sölu.

Það var fyrrum nr. 1 á Rolex-heimslista kvenna, Jiyai Shin, frá S-Kóreu, sem sigraði með miklum yfiburðum á ActewAGL Canberra Classic mótinu, sem fram fór á Royal Canberra golfvellinum dagana 9.- 11. febrúar.

Það var thaílenski snillingurinn Kiradech Aphibarnrat, sem sigraði á ISPS Handa World Super 6 Perth mótinu, 11. febrúar 2018, en mótið var samvinnuverkefni Evróputúrsins og Ástralasíutúrsins.

Það var Ted Potter Jr. sem sigraði á AT&T mótinu, á PGA Tour mótaröðinni 11. febrúar 2018.

Joost Luiten sem sigraði á NBO Oman Open, á Evróputúrnum, en mótið fór fram á Al Mouj Golf golfstaðnum dagana 15.-18. febrúar 2018.

Um miðjan febrúar tjáði Justin Thomas sig um háværa áhorfendur golfmóta, sem hann sagði óásættanlega en honum fipaðist á Genesis Open, á PGA Tour sem hann var mjög ósáttur við. Það var síðan bandaríski kylfingurinn Bubba Watson sem sigraði á Genesis Open 18. febrúar.

Jin Young Ko frá S-Kóreu sigraði á ISPS Handa LPGA mótinu, sem fram fór 15.-18. febrúar 2018.

Þann 25. febrúar 2018 birtist grein um klikkaðasta skolla ársins. Þann skolla átti Eddie Pepperell og skollinn kom á 3. hring Commercial Bank Qatar Masters á 12. holu Tólfta holan í Doha golfklúbbnum er u.þ.b. 400 metra par-4 hola og er flötin umlukin u.þ.b. 2 metra háum hlöðnum steinmúr. Eftir 2 högg var bolti Eddie í dæld rétt fyrir framan flötina. Eddie reyndi að slá inn á flöt en boltinn endurkastaðist af steinunum og aftur í dældina. Í 2. innhöggstilraun sinni virðist boltinn hafa stoppað í háu grasinu, komst enn ekki yfir múrinn og kom tilbaka rétt við fætur Eddie – og þetta var í parhögginu hans.Það leit út fyrir júmbó skor á þessari holu.En það sem gerðist er dæmigert fyrir hversu ófyrirsjáanlega skemmtilegt og klikkað golfið getur stundum verið – það nægir bara ekki að skoða skorkort til að dæma hvert eftirminnilegasta skorið hafi verið. Pepperell setti 3. innáhögg sitt fyrir skolla beint niður!!!! Pepperell sigraði síðan á Qatar Masters móti á Evróputúrnum 25. febrúar 2018.

Jessica Korda sigraði á Honda LPGA Thailand mótinu, sama dag, 25. febrúar 2018 og Justin Thomas enn sama dag á PGA Tour mótinu, Honda Classic. Á LPGA Thailand mótinu gerðist Lexi Thompson í 2. sinn sek um reglubrot fyrir að hafa fært bolta frá auglýsingaskiti en það kostaði hana sigur í mótinu líkt og á ANA Inspiration risamótinu og varð henni svo mikið áfall að hún tók sér frí mestallt árið 2018.