PGA: Jon Rahm sigraði á Hero World Challenge – Hápunktar 4. dags

Það var spænski kylfingurinn Jon Rahm, sem stóð uppi sem sigurvegari á Hero World Challenge.

Sigurskor Rahm var 20 undir pari, 268 högg (71 63 69 65) og var það glæsilegur lokahringur upp á 7 undir pari, 65 högg, sem færði honum sigurinn, en 4 högg munaði á honum og næsta manni. Fyrir sigur sinn hlaut Rahm sem samsvarar 123 milljónum íslenskra króna ($1 milljón) og ætti hann því að eiga fyrir jólasteikinni!

Í 2. sæti varð Tony Finau frá Bandaríkjunum, á samtals 16 undir pari, 272 högg (72 64 67 69) og hlaut hann 50 milljónir íslenskra króna ($ 400.000) fyrir 2. sætið.

Í 3. sæti var Justin Rose, á 15 undir pari, 273 höggum (70 70 68 65) en Rose var á flottum 65 líkt og Rahm, lokahringinn.  Í verðlaunafé fyrir bronsið fær Rose 30 milljónir og 750.000 íslenskra króna ($ 250.000). Finau kom í veg fyrir að Rose næði að klára árið út í efsta sæti heimslistans, en Rose varð að vera í 2. sæti eða jafn í 2. sæti í þessu móti til þess að vera í efsta sæti heimslistans. Í árslok er það því Brooks Koepka, sem trónir í efsta sæti heimslistans.

Einn í 4. sæti varð Henrik Stenson á 14 undir pari, 274 högg (68 66 69 71) og Patrick Cantlay og Rickie Fowler deildu 5. sætinu á 13 undir pari, hvor. Cantlay var jafnframt á besta skori lokahrings Hero World Challenge, 8 undir pari, 64 höggum!

Allir þeir sem þátt tóku í Hero World Challenge, eða 18 manns hlutu verðlaunafé – enginn niðurskurður er í mótinu og hlaut sá sem varð í síðasta sæti, Hideki Matsuyama 12,3 milljónir íslenskra króna ($ 100.000) fyrir að ómaka sig að taka þátt.

Til þess að sjá lokastöðuna á Hero World Challenge SMELLIÐ HÉR:

Til þess að sjá hápunkta 4. hrings Hero World Challenge SMELLIÐ HÉR: