Eimskipsmótaröðin 2018 (8): Guðmundur Ágúst og Helga Kristín efst e. 1. dag

Það er mikil spenna sem ríkir á Securitasmótinu þar sem keppt er um GR-bikarinn á Eimskipsmótaröðinni. Góð skor voru á fyrsta hringnum í blíðviðrinu á Grafarholtsvelli í dag. Mótið er jafnframt lokamót Eimskipsmótaraðarinnar 2017-2018.

Guðmundur Ágúst Kristjánsson (GR) er efstur í karlaflokki á -4 og Helga Kristín Einarsdóttir (GK) lék á -3. Rúnar Arnórsson úr Keili lék á -3 og er ekki langt á eftir Guðmundi. Sex kylfingar eru jafnir í 3.-8. sæti og þar á meðal er Axel Bóasson, GK á -1.

Guðrún Brá Björgvinsdóttir, Keili, er sjö höggum á eftir Helgu.

Mótið hófst fimmtudaginn 23. ágúst og fer það fram á Grafarholtsvelli. Stigahæstu keppendur Eimskipsmótaraðarinnar 2017-2018 eru með keppnisrétt á þessu móti.

Staða efstu kylfinga í karlaflokki eftir 1. keppnisdag:

1. Guðmundur Ágúst Kristjánsson, GR 67 högg (-4)
2. Rúnar Arnórsson, GK 68 högg (-3)
3.-8. Hákon Örn Magnússon, GR 70 högg (-1)
3.-8. Andri Þór Björnsson, GR 70 högg (-1)
3.-8. Andri Már Óskarsson, GHR 70 högg (-1)
3.-8. Ólafur Björn Loftsson, GKG 70 högg (-1)
3.-8. Kristófer Orri Þórðarson, GKG 70 högg (-1)
3.-8. Axel Bóasson, GK 70 högg (-1)
9.-11. Fannar Ingi Steingrímsson, GHG 71 högg (par)
9.-11.Ingvar Andri Magnússon, GKG 71 högg (par)
9.-11.Kristján Þór Einarsson, GM 71 högg (par)

Staða efstu kylfinga í kvennaflokki eftir 1. keppnisdag:

1. Helga Kristín Einarsdóttir, GK 68 högg (-3)
2. Guðrún Brá Björgvinsdóttir, GK 75 högg (+4)
3.-4. Anna Sólveig Snorradóttir, GK 77 högg (+6)
3.-4. Berglind Björnsdóttir, GR 77 högg (+6)
5.-7. Heiða Guðnadóttir GM 78 högg (+7)
5.-7. Jóhanna Lea Lúðvíksdóttir, GR 78 högg (+7)
5.-7. Hafdís Alda Jóhannsdóttir, GK 78 högg (+7)

Keppendalistin er sterkur. Þar má nefna Íslandsmeistarana Axel Bóasson (GK) og Guðrúnu Brá Björgvinsdóttur (GK), atvinnukylfingana Andra Þó Björnsson (GR) og Guðmund Ágúst Kristjánsson (GR).

Mótið er áttunda mótið á keppnistímabilinu 2017-2018 og ráðast úrslitin í baráttunni um stigameistaratitilinn í karla – og kvennaflokki á Eimskipsmótaröðinni.

Skor keppenda er uppfært hér.

Stigalistanum verður endurraðað í samræmi við reglugerð um stigamót og viðauka II við reglugerðina. Það er gert til þess keppnin um stigameistaratitilinn verði jafnari á lokamótinu.

Verðlaunin er glæsileg á þessu móti. Atvinnukylfingar á borð við Íslandsmeistarana Axel Bóasson úr GK og Guðrúnu Brá Björgvinsdóttur gætu fengið allt að 750.000. kr í sinn hlut.

Til þess þurfa þau að sigra á Securitasmótinu og landa stigameistaratitlinum á Eimskipsmótaröðinni samhliða sigrinum í GR-bikarinnar.

Ef áhugakylfingur sigrar í karla – eða kvennaflokki fær hann 70.000 kr. í sinn hlut.
Atvinnukylfingar geta fengið 250.000 kr. fyrir sigurinn á Securitasmótinu – GR-bikarinn.

Stigameistarar á Eimskipsmótaröðinni 2017-2018 fá 250.000 í sinn hlut ef þau eru atvinnukylfingar en áhugakylfingar fá 70.000 kr. gjafakort.

Texti og mynd: GSÍ