Nordic Golf League: Andri Þór og Guðmundur Ágúst luku keppni T-13 í Danmörku

Guðmundur Ágúst Kristjánsson og Andri Þór Björnsson, úr GR, enduðu í 13. sæti á á Made in Denmark úrtökumótinu sem er hluti af Nordic Golf League mótaröðinni Haraldur Franklín Magnús, GR, komst einnig í gegnum niðurskurðinn og endaði hann í 48. sæti.

Mótið fór fram í Esbjerg golfklub, dagana 1.-3. ágúst 2018 og lauk því í gær

Það var að miklu að keppa á þessu móti, þrír efstu keppendurnir, komust inn á Made in Denmark mótið sem er hluti af Evrópumótaröðinni.

Það mót fer fram í lok ágúst og byrjun september. Einnig komust þrír efstu af stigalista Nordic Golf League inn á það mót.

Sjá má lokastöðuna í úrtökumótinu fyrir Made in Denmark með því að SMELLA HÉR: 

Andri Þór lék á (71-70-72) eða pari vallar, Guðmundur Ágúst lék á (72-67-74) eða pari vallar. Haraldur Franklín lék á (76-72-73) eða +8.

Mynd og texti: GSÍ