LET: Valdís Þóra T-61 e. 1. dag á Opna breska!!!

Atvinnukylfingurinn Valdís Þóra Jónsdóttir úr GL tekur þátt í 4. risamóti kvennagolfsins í ár, Ricoh Women´s British Open, sem fram fer dagana 2.-5. ágúst 2018 og hófst í dag í Lancashire í Englandi.

Eftir 1. dag er Valdís Þóra jöfn 21 kylfingi í 61. sæti, sem allar hafa spilað á 1 yfir pari, 73 höggum. Meðal þeirra er m.a. golfdrottningin og frægðarhallarkylfingurinn Dame Laura Davies og Solheim Cup kylfingurinn sænski Caroline Hedwall.

Sem stendur er niðurskurður einnig miðaður við 73 högg eða betur og verður Valdís Þóra því að eiga góðan hring á morgun til þess að fylgja eftir fínum árangri sínum í dag og ná niðurskurði.

Á hringnum í dag fékk Valdís Þóra 6 fugla, 2 skolla og einn skramba og einn þrefaldan skolla!

Til þess að sjá stöðuna á Richo Women´s British Open SMELLIÐ HÉR: