Nordic Golf League: Haraldur lauk keppni í 7. sæti á 12 Championship

GR-ingarnir Haraldur Franklín Magnús og Guðmundur Ágúst Kristjánsson luku keppni í gær á Twelve Championship by Thisted Forsikring, sem er hluti af  Nordic Golf League mótaröðinni.

Mótið fór fram dagana 13.-14. júní 2018 í Storådalens Golfklub, Holstebro í Mið-Jótlandi, Danmörku.

12 Championship er eitt af þessum óhefðbundnu golfmótum, sem virðast vera vinsæl þessa dagana þ.e. með óhefðbundu keppnisfyrirkomulagi.

Keppnin hefst á því að spilaðir eru tveir 12 holu hringir  og einvörðungu 30 efstu keppendur og þeir sem jafnir eru í 30 sætinu fá að halda áfram.  Þeir spila síðan aftur einn 12 holu hring og fá aðeins helmingur keppenda eða 15 að halda áfram.

Það var eftir 3. hring, sem Guðmundur Ágúst féll úr keppni en hann varð T-16 þ.e. munaði aðeins 1 höggi að hann yrði meðal þeirra 15 efstu sem áfram héldu keppni.

Haraldur komst 15 manna hópinn en eftir 4. hring datt hann út, þegar enn á ný var skorið niður og aðeins 6 efstu fengu að spila lokahringinn og til úrslita. Einungis munaði 1 höggi að Haraldur Franklín kæmist í 6 manna lokahópinn, en hann hafnaði einn í 7. sæti í mótinu, sem er frábær árangur!!!

Sigurvegari mótsins varð danski kylfingurinn Christian Gløet.

Sjá má lokastöðuna í mótinu með því að SMELLA HÉR: