Guðrún Brá og Valdís Þóra komust ekki g. úrtökumót f. Opna bandaríska

Guðrún Brá Björgvinsdóttir úr Keili og Valdís Þóra Jónsdóttir úr Leyni tóku í gær þátt á úrtökumóti fyrir Opna bandaríska kvenmeistaramótið.

Þær komust ekki áfram, en fjórir kylfingar fengu keppnisrétt á risamótinu, sem fram fer í Shoal Creek í Alabama í Bandaríkjunum dagana 29. maí – 3. júní.

Guðrún Brá lék hringina tvo á 13 yfir pari (78-79) og varð T-39. Valdís Þóra lék á 14 yfir apri (74-84) og varð T-42.

Keppt var á Buckinghamshire vellinum, í London, Englandi og voru 78 keppendur á þessu úrtökumóti.

Valdís Þóra endaði í 3.-5. sæti á þessu móti í fyrra. Tveir efstu kylfingarnir í mótinu komust beint inn á Opna bandaríska. Valdís komst í þriggja manna bráðabana um tvö laus sæti til viðbótar – en þar náði hún ekki í gegn.

Valdís Þóra komst síðan inn í mótið sem fyrsti varamaður frá Evrópu á biðlista fyrir mótið. Hún lék því fyrst allra íslenskra kylfinga á Opna bandaríska kvenmeistaramótinu í fyrra.

Sjá má lokastöðuna á úrtökumótinu fyrir Opna bandaríska með því að SMELLA HÉR: