LET: Valdís Þóra tók bronsið í Bonville!!! – Stórglæsileg!!!

Valdís Þóra „okkar“ Jónsdóttir, atvinnukylfingur úr GL, lauk keppni á Ladies Classic Bonville mótinu ein í 3. sæti.

Hversu stór og merkilegur sigur það er fyrir íslenskt golf fæst ekki fest í grein, sem þessa.

Valdís Þóra var í einu orði stórglæsileg!!!

Þegar leik var frestað í nótt vegna eldinga deildi Valdís Þóra 3. sætinu með 3 öðrum kylfingum: Danielu Holmqvist frá Svíþjóð (4. sæti), Holly Clyburn frá Englandi (5. sæti) og hinni dönsku Nönnu Coertz Madsen (5. sæti).

Þær voru þá allar á samtals 5 undir pari eftir 12 holur og því eftir að spila 6 holur.

Valdís Þóra átti frábæran endasprett fékk fugla á par-4 15. brautina og par-5 18. brautina.

Valdís Þóra lék því lokahringinn á 2 undir pari, 70 höggum; fékk í heildina 4 fugla og 2 skolla á lokahringnum.

Samtals lék Valdís Þóra á 7 undir pari, 281 höggi (69 70 72 70).

Sú sem sigraði í mótinu var hin franska Celine Boutier og átti hún í lokin aðeins 3 högg á Valdísi Þóru og munurinn á Valdísi og Katie Burnett, sem varð í 2. sæti var eins aðeins 2 högg. Kannski hefði átt að bæta einum hring við – þá hefði Valdís tekið þetta!!!  Sjá má eldri kynningu Golf 1 á Celine Boutier með því að SMELLA HÉR og eldri kynningu á Katie Burnett með því að SMELLA HÉR:

Sjá má lokastöðuna á Ladies Classic Bonville mótinu með því að SMELLA HÉR:

Í aðalfréttaglugga: Valdís Þóra Jónsdóttir. Mynd: GSÍ