LPGA: Ólafía og Valdís fara út nú í nótt í Bonville mótinu í Ástralíu

Ólafía Þórunn Kristinsdóttir úr GR og Valdís Þóra Jónsdóttir úr GL verða báðar á meðal keppenda á Ladies Classic Bonville mótinu sem fram fer í Ástralíu. Mótið er hluti af LET Evrópumótaröðinni. Alls verða leiknir fjórir hringir.

Nánar um mótið hér:

Valdís Þóra hefur leik kl. 02:10 að íslenskum tíma aðfaranótt fimmtudagsins 22. febrúar eða kl. 13:10 að staðartíma. Hún verður með Wanasa Zhou frá Ástralíu og Annabel Dimmock frá Englandi í ráshóp fyrstu tvo hringina. Á öðrum keppnisdegi hefur Valdís Þóra leik kl. 21.10 fimmtudaginn 22. febrúar en þá er kl. 8.10 að morgni föstudagsins 23. febrúar í Ástralíu.

Ólafía Þórunn hefur leik kl. 02:30 að íslenskum tíma aðfaranótt fimmtudagsins 22. febrúar eða kl. 13:30 að staðartíma. Hún verður með Munchin Keh frá Nýja-Sjálandi og Jenny Haglund frá Svíþjóð í ráshóp fyrstu tvo keppnisdagana. Á öðrum keppnisdeginum hefur Ólafía Þórunn leik kl. 21:30 fimmtudaginn 22. febrúar en þá er kl. 8:30 að morgni föstudagsins 23. febrúar í Ástralíu.

Mótið er eins og áður segir hluti af LET Evrópumótaröðinni sem er næsta sterkasta atvinnumótaröð í heimi. Valdís og Ólafía kepptu í síðustu viku á LPGA móti í Ástralíu. Það var í fyrsta sinn sem tveir keppendur frá Íslandi kepptu á sterkstu mótaröði í heimi. Valdís Þóra vann sér inn keppnisrétt á því móti með því að komast í gegnum úrtökumót á mánudeginum fyrir mótið. Ólafía Þórunn er með keppnisrétt á LPGA mótaröðinni.

Heimild: GSÍ