Nýju stúlkurnar á LET 2018: Piti Martinez Bernal (11/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu. Eins hafa þrjár stúlkur sem urðu í 16. sæti á samtals 6 undir pari, 354 höggum verið kynntar:  Elia Folch frá Spáni; Cloe Frankish frá Englandi og Sanna Nuutinen frá Finnandi.

Næst verða kynntar þær tvær sem deildu 14. sætinu: Mireia Prat og Piti Martinez Bernal, en báðar léku þær á samtals 7 undir pari, 353 höggum; báðar (71 70 71 70 71). Byrjað verður á að kynna Piti.

Piti Martinez Bernal fæddist í Cadiz á Spáni, 18. maí 1988 og er því 29 ára.  Hún byrjaði að spila 3 ára og segir þá sem mest áhrifa hafi haft á golfleik hennar séu afi og amma hennar, foreldrar og frænka.

Hún er 1,64 á hæð og býr í el Puerto de Santa María. Hún er félagi í Vista Hermosa golfklúbbnum.

Uppáhaldsgolfvellir Piti eru Pedreña og Evian.

Áhugamál Piti eru margskonar: að lesa, íþróttir (fótbolta (er áhangandi Barcelona), tennis, surfa, að dansa, syngja, hugleiðsla, vinir, fjölskylda, nátturan og að deila brosum.

Piti segir engan kylfing vera í sérstöku uppáhaldi hja sér.

Piti gerðist atvinnumaður í golfi 2015.   Hún spilaði í 2 mótum 2014 á LET Access.  Síðan hélt hún sér á LET Access 2015-2017 en er nú kominn með fulla spilarétt og kortið sitt á LET keppnistímabilið 2018.