Nýju stúlkurnar á LET 2018: Elía Folch (9/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu.

Í gær byrjað að kynna stúlkurnar 3 sem urðu í 16. sæti: Eliu Folch frá Spáni; Cloe Frankish frá Englandi og Sönnu Nuutinen frá Finnandi. Allar léku þessar stúlkur á samtals 6 undir pari, 354 höggum. Byrjað var á Sönnu og í dag er það Elía Folch.

Elía Folch fæddist 21. janúar 1991 líkt og annar kunnur golfkappi, þar sem er golfgoðsögnin sjálf Jack Nicklaus.

Elía fæddist í Barcelona og er nýorðin 27 ára.

Elía býr í Terrassa á Spáni og segir pabba sinn hafa haft mest áhrif á golfleik sinn.

Uppáhaldsgolfvöllur Elía er Flint Hills í Kansas, Bandaríkjunum.

Elía gerðist atvinnumaður í golfi 28. desember 2015.

Hún reyndi að komast á LPGA í fyrra þ.e. lokaúrtökumót LPGA 2016 fyrir 2017, en hlaut aðeins takmarkaðan spilarétt á LPGA 2017. Nú er öldin önnur og Folch komin með kortið sitt og full spilaréttindi á LPGA.

Komast má á Twitter síðu Elíu með því að SMELLA HÉR:

Komast má á Facebook síðu Elíu með því að SMELLA HÉR: