Lið Íslands tapaði f. Spánverjum

Sex íslenskir kylfingar á aldrinum 17-23 ára hófu keppni þriðjudaginn 23. janúar á 1st Octagonal Match mótinu sem fram fer á Costa Ballena á Spáni.

Ísland er í riðli með Þýskalandi, Spáni og Englandi í riðli. Í hinum riðlinum eru Ítalía, Finnland og Tékkland en þjálfari Tékka er Staffan Johansson fyrrum landsliðsþjálfari Íslands.

Jussi Pitkanen afreksstjóri GSÍ er með kylfingunum á Costa Ballena. Fyrri viðureign dagsins gegn Spánverjum var fjórmenningur (foursome) en síðari leikurinn er tvímenningur. Fjór­menn­ing­ur er leik­inn þannig að tveir kepp­end­ur eru sam­an í liði og slá þeir einn bolta til skipt­is. Kepp­end­ur slá upp­hafs­högg­in til skipt­is, óháð því hvaða kylf­ing­ur púttaði síðast á flöt. Betra skor hvers liðs á hverri holu tel­ur í holu­keppni á milli liða.

Íslenska liðið er þannig skipað: Henning Darri Þórðarson (GK), Vikar Jónasson (GK).
Tumi Hrafn Kúld (GA), Hlynur Bergsson (GKG), Hákon Örn Magnússon (GR) og Jóhannes Guðmundsson (GR).

Lið Íslands keppti við Þjóðverja í fyrstu umferð og tapaði 5,5-3,5. Í gær lék lið Íslands gegn Englendingum og þar fóru leikar 6,5-2,5 fyrir England.

Í dag tapaði lið Íslands síðan stórt fyrir heimamönnum, Spánverjum 8-1. Hákon Örn og Jóhannes héldu uppi heiðri Íslands en þeir áttu eina leik liðs Íslands sem vannst; allt annað tapaðist.

Það er því búið að vera tap á línuna hjá liði Íslands, en þess ber að geta að strákarnir okkar eru með gríðarlega sterkum liðum í riðli.

Leikið verður við lið Ítala á morgun um 7. sætið.

Nánar um mótið með því að SMELLA HÉR: