Nýju stúlkurnar á LPGA 2018: Sherman Santiwiwatthanaphong (20/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verða kynntar þær 2 stúlkur, sem deildu 30. sætinu þ.e. Sherman Santiwiwatthanaphong frá Thaílandi og hin bandaríska Maddie McCrary. Maddie hefir þegar verið kynnt, svo í dag er það Sherman Santiwiwatthanaphong.

Sherman Santiwiwatthanaphong fæddist 9. nóvember 1996 og er því 21 árs. Það sem meira er hún á upp á afmæli sama dag og ár og Gunnhildur Kristjánsdóttir, GK. Þ.a.l. fleiri en 1 flott golfkona fædd þennan dag!!!

Sherman byrjaði að spila golf 13 ára. Heimabær hennar er Bueng Kan og hún gerðist atvinnumaður í golfi 2014.

Meðal áhugamála Sherman er að horfa á kvikmyndir og uppáhaldslið hennar er Manchester United.

Meðal hápunkta á golfferli Sherman er eftirfarandi:

Hún var sigurvegari á  Symetra Tour Championship árið 2015
Hún var sigurvegari Asean School Game (2012,2013)
Hún sigraði á Thailand Ladies Open (2013)
Hún sigraði á Sigha Classic (2013)
Hún sigraði á Thailand Ladies Amatuer
Eins sigraði Sherman á Singha-sat Thai LPGA Championship (2014)

Sherman komst á LPGA 2016 og spilaði í fyrra á mótaröðinni með takmörkuðum árangri (komst aðeins 7 sinnum í gegnum niðurskurð af 21 móti sem hún tók þátt í) og er nú aðeins með takmarkaðan spilarétt.

Hér má loks sjá kynningarviðtal LPGA frá 2015 við Sherman SMELLIÐ HÉR: