GOS: Ástfríður endurkjörin formaður á aðalfundi

Aðalfundur Golfklúbbs Selfoss fór fram 7.desember s.l.

Fundur settur kl 18:00 af formanni klúbbsins Ástfríði M. Sigurðardóttur. Fundur byrjar á því að varaforseti ÍSÍ, Sigríður Jónsdóttir, sæmdi GOS viðurkenningu fyrirmyndarfélags ÍSÍ.

Skýrslu stjórnar kynnti formaður GOS, Ástfríður M. Sigurðardóttir. Skýrslan er prentuð í ársskýrslu klúbbsins.

Alls voru 6 stjórnarfundir voru á árinu og tölvusamskipti voru vel nýtt. Félagafjöldi var 484, þar af 193 í gegnum samning við GOSÍ. Hún hvetur félagsmenn til að kynna sér vel ársskýrsluna og taka þátt í starfi klúbbsins. Talaði hún um þjónustukönnun GSÍ þar sem GOS kom einstaklega vel út. Inniaðstaðan var ekki nógu vel sótt í upphafi starfsárs en vonandi verður breyting þar á nú í vetur og hvatti formaður fólk til að mæta þangað, bæði til að æfa svo og að hitta aðra félaga. Uppbyggingarstarf vallarins er stórt og mikið verkefni og mjakast áfram. Handbók fyrirmyndarfélags GOS hefur verið uppfærð og má nálgast hana á vef klúbbsins. Golfskálinn var tekinn mikið í gegn á árinu og aðrar fjárfestingar voru miklar s.s. nýr golfhermir, sáningarvél, æfingaboltar og beltagrafa. Sumar var mjög blautt og fremur vindasamt og kom það fram í fjölda leikinna hringja sem og í mótahaldi.

Eins voru margar hópapantanir afbókaðar sökum veðurs.

Fjöldi leikinna hringja voru alls 11.554.

Hægt er að lesa Ársskýrsla GOS 2017 með því að SMELLA HÉR:

Hlynur Geir Hjartarson framkvæmdastjóri lagði fram ársreikning golfklúbbsins og fór ítarlega yfir skýringar og sundurliðanir hans.

Rekstrartekjur klúbbins voru 64.055.442,- á starfsárinu. Rekstrargjöld voru aftur á móti 60.660.029,- Niðurstaðan því hagnaður 3.395.413 fyrir afskriftir og vaxtagjalda. Nánar um ársreikning er í árskýrslu GOS.

Stjórn og nefndir eru eftirtaldnir fyrir næsta starfsár.

Ástfríður M Sigurðardóttir var endurkjörin sem formaður GOS til tveggja ára.

Breytingar voru gerða á stjórn GOS þannig að núna er sjö í stjórn GOS.