Nýju strákarnir á PGA 2018: Denny McCarthy (39/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað var á því að kynna þá 25 sem efstir voru á peningalista Web.com Tour og hlutu þannig kortin sín í 1. deild, PGA Tour.

Líkt og venja er hér á Golf 1 var byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Hann hefir þegar verið kynntur, Chesson Hadley, efsti maður á peningalista Web.com Tour 2017.

Nú verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar, en þeir 25 hljóta einnig spilarétt og kort fyrir 2017-2018 keppnistímabilið á PGA Tour.

Sá sem var í 12. sæti og komst inn á PGA Tour í gegnum Web.com Tour finals er bandaríski kylfingurinn Denny McCarthy en hann var með verðlaunafé á Web.com Finals upp á samtals $63,105.

Denny McCarthy fæddist 4. mars 1993 í Takoma Park, Maryland,í Bandaríkjunum og er því 24 ára. Hann er sonur Elenu og Dennis McCarthy og á einn bróður, Ryan og eina systur, Christinu.

Klúbburinn sem hann er í heima í Maryland heitir Argyle CC og er í Silver Spring, Maryland.

McCarthy er 1,75 m á hæð og 75 kg.

Hann var í bandaríska háskólagolfinu, lék með liði University of Virginia.

McCarthy útskrifaðist árið 2015 með gráðu í mannfræði og hefir spilað á Web.com Tour frá árinu 2016.

Liðakeppnir sem Denny McCarthy hefir tekið þátt í eru:

2014 Eisenhower Trophy
2015 Walker Cup

Ýmsir fróðleiksmolar um McCarthy:

*Hann hefir gaman að öllu utan dyra þ.á.m. að vera á ströndinni og spila borðtennis undir berum himni.
*Hann var í Georgetown Prep í Washington, D.C.
*Bróðir hans Ryan spilaði golf með Loyola (Md.) og frændi hans Mike McCarthy spilaði í bandaríska háskólagolfinu með James Madison.
*Systir Denny, Christina, spilaði lacrosse at James Madison.
*Denny spilaði körfubolta í menntaskóla öll 4 árin.
*Denny hitti eitt sinn Cal Ripken, Jr., í einum af síðustu heimaleikjum hans. Systir Denny var við það að klemmast af æstum áhangendum Cal og Cal dró han úr mannfjöldanum. Þau fengu tækifæri þá að tala við Cal.