Nýju strákarnir á PGA 2018: Cameron Tringale (33/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað var á því að kynna þá 25 sem efstir voru á peningalista Web.com Tour og hlutu þannig kortin sín í 1. deild, PGA Tour.

Líkt og venja er hér á Golf 1 var byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Hann hefir þegar verið kynntur, Chesson Hadley, efsti maður á peningalista Web.com Tour 2017.

Nú verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar, en þeir 25 hljóta einnig spilarétt og kort fyrir 2017-2018 keppnistímabilið á PGA Tour.

Sá sem var í 18. sæti og komst inn á PGA Tour í gegnum Web.com Tour finals er Cameron Tringale frá Bandaríkjunum, en hann var með verðlaunafé á Web.com Finals upp á samtals $47,444 .

Cameron Tringale fæddist í Mission Viejo, Kaliforínu, 24. ágúst 1987 og er því 30 ára.

Tringale er 1,88 m á hæð.

Hann býr í  Laguna Niguel, í Kaliforniu.

Cameron á yngri systur og eldri bróður, Jon, sem spilaði golf með golfliði San Jose State.

Ýmsir fróðleiksmolar um Tringale:

Uppáhaldsháskólalið er Georgia Tech. Uppáhaldsatvinnumannalið er the Los Angeles Lakers.

Uppáhaldsfrístaður er hvaða staður þar sem Tringale kemst á snjóbretti.

Þegar hann var yngri langaði Tringale til þess að verða leikari.

Meðal þess sem Tringale langar til að gera er fallhlífarstökk og að hlaupa í maraþoni.

Meðal áhugamála Tringale er að vera á snjóbretti, sjóbretti eða fjallgöngur.

*******

Tringale útskrifaðist frá Mission Viejo High School árið 2005 tók síðan þátt í bandaríska háskólagolfinu; spilaði með golfliði Georgia Tech. Hann sigraði m.a. á  Atlantic Coast Conference championship sem busi (ens.: freshman).

Tringale tók þátt í U.S. Amateur Championship 2007, þar sem hann datt úr keppni í 1. umferð þessarar holukeppni.[1] Hann tók þátt aftur 2009 og komst í 3. umferð í þetta sinn.

Tringale er þrefaldur NCAA All-American, og vann sér inn second-team honors árin 2006 og 2007, og náði að spila með liði nr. 1 árið 2009, sem efstubekkingur. Hann komst í gegnum úrtökumót 2009 fyrir Opna bandarísak, en náði ekki niðurskurði í risamótinu sjálfu.

Tringale gerðist atvinnumaður í golfi 2009 og hefir verið á PGA Tour frá árinu 2010 eftir að hafa orðið T-19 í Q-school.

Tringale hefir tekið þátt í ýmsum liðakeppnum: 2009 var hann í liði Bandaríkjanna í Walker og Palmer Cup.

Tringale sigraði 2015 í Franklin Templeton Shootout [með Jason Day] – Sjá má eldri frétt Golf 1 þar um með því að             SMELLA HÉR:  Sem einstaklingur er besti árangur Tringale 2. sætið á Zurich Classic of New Orleans, sama ár þ.e. 2015.

Besti árangur í risamóti er T-38 árangur í Masters árið 2015.