Nýju strákarnir á PGA 2018: Conrad Shindler (10/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað verður á því að kynna þá 25 sem efstir voru á peningalista Web.com Tour og hljóta þannig kortið sitt í 1. deild, PGA Tour.

Líkt og venja er hér á Golf 1 verður byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Síðan verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar.

Sá sem varð í 16. sæti peningalistans með samtals verðlaunafé upp á samtals $233,283 (Verðlaunafé í Web.com Finals: $29,800; Verðlaunafé á reglul. tímabili:$203,483) var bandaríski kylfingurinn Conrad Shindler.

Conrad Shindler fæddist í Phoenix, Arizona 20. júlí 1988 og er því 29 ára.

Shindler lék í bandaríska háskólagolfinu með liði Texas A&M University (2008-2011) og býr enn í Texas, nánar tiltekið í Dallas.

Hann gerðist atvinnumaður í golfi árið 2011.

Shindler byrjaði að spila á Web.com Tour árið 2017 og sigraði á Rex Hospital Open, en sá sigur er í raun ástæða þess að hann er kominn meðal þeirra bestu keppnistímabilið 2017-2018, þ.e. á PGA Tour.

Þeir í fyrrum háskóla Shindlers voru að vonum stoltir af honum að hljóta kortið á PGA Tour og tóku viðtal við hann, sem sjá má með því að SMELLA HÉR:

Fréttamaður Web.com Tour lagði nokkrar spurningar fyrir Shindler sl. vor til kynningar á honum og má sjá svör hans með því að SMELLA HÉR: