Bandaríska háskólagolfið: Arnar Geir lauk keppni í 1. sæti á Graceland Inv.

Arnar Geir Hjartarson, afrekskylfingur og klúbbmeistari GSS 2017 (og mörg undanfarin ár) og golflið hans í bandaríska háskólagolfinu Missouri Valley, tóku þátt í 1. dags móti, Graceland Invitational, 14. september 2017 sl.

Mótið fór fram í Iowa Country Club, í Lamoni, Iowa.

Þátttakendur voru 57 frá 6 háskólum.

Arnar Geir lék hring sinn á 1 undir pari, 71 glæsihöggi og deildi 1. sætinu með Connor Shannon úr Iowa CentCC.

Arnar Geir leiddi lið sitt Missouri Valley til sigurs en Missouri Valley deildi 1. sætinu með Iowa CentCC í liðakeppninni.

Næsta mót Arnars Geirs og Missouri Valley er 25.-26. september n.k. á heimavelli.

Sjá má heildarúrslitin úr Graceland Invitational með því að SMELLA HÉR:  (skrolla verður niður að 14. sept að nafni mótsins Graceland Invitational og smella á það).