LPGA: Sögulegt!!! – Ólafía fyrsti íslenski kvenkylfingurinn sem nær niðurskurði í risamóti!!!

Ólafía Þórunn „okkar “ Kristinsdóttir varð í dag fyrsti íslenski kvenkylfingurinn til þess að komast í gegnum niðurskurð í risamóti.

Reyndar er hún fyrsti íslenski kylfingurinn, hvort heldur er karl- eða kven- til þess að komast gegnum niðurskurð í risamóti!

Ljóst var að efstu 70 og þær sem jafnar væru í 70. sæti, af 120 þátttakendum, myndu ná niðurskurði og Ólafía er ein þeirra.

Hún varð jöfn 8 öðrum kvenkylfingum í 64. sæti og því alls 72, sem fá að spila lokahringinn á morgun.

Meðal þeirra sem deildu 64. sætinu með Ólafíu Þórunni eru suður-afríski kylfingurinn Lee Anne Pace og nr. 10 á Rolex-heimslista kvenkylfinga, Brooke Henderson frá Kanada.

Margir þekktir kvenkylfingar komust ekki í gegnum niðurskurð m.a. tékknesk-bandarísku systurnar Nelly og Jessica Korda; uppáhaldskylfingur margra karlkylfinga: Natalie Gulbis,  golfdrottningin enska, Laura Davies; thaílenski snillingurinn Ariya Jutanugarn og báðir ráshópsfélagar Ólafíu í Evían risamótinu fyrstu tvo keppnisdagana ; Angel Yin og Kim Kaufman, svo nokkrir kvenkylfinganna séu nefndir, sem ekki náðu niðurskurði.

Sjá má stöðuna á Evían rismaótinu með því að SMELLA HÉR: