LPGA: Guðrún Brá og Valdís Þóra taka þátt í 1. stigi úrtökumóts LPGA

Guðrún Brá Björgvinsdóttir, afrekskylfingur úr Golfklúbbnum Keili í Hafnarfirði og Valdís Þóra Jónsdóttir atvinnukylfingur úr Leyni á Akranesi keppa á 1. stigi úrtökumótsins fyrir LPGA mótaröðina í Bandaríkjunum.

Keppnin hefst n.k. fimmtudag, 23. ágúst 2017,  þar sem rúmlega 350 kylfingar keppa á þremur keppnisvöllum.

Alls verða leiknir fjórir hringir, samtals 72 holur, á fjórum keppnisdögum.

Alls komast 90 efstu áfram á 2. stig úrtökumótsins og eru þá einu skrefi nær því að komast inn á sjálft lokaúrtökumótið.

Ólafía Þórunn Kristinsdóttir er með keppnisrétt á LPGA mótaröðinni en hún náði í fyrra að komast í gegnum öll þrjú stig úrtökumótsins.

Valdís Þóra hefur dvalið undanfarna daga við æfingar á Mission Hills svæðinu í Rancho Mirage í Kaliforníu.

Guðrún Brá er vel kunnug Mission Hills í Rancho Mirage, en hún keppti oftsinnis þar með liði sínu í bandaríska háskólagolfinu, Fresno State, á háskólaárum sínum.

Það er vonandi að Guðrúnu Brá og Valdísi Þóru gangi sem allra best!!!!

Texti (að hluta): GSÍ