LPGA: Ólafía Þórunn lauk leik T-45 á Marathon Classic – á glæsiskori 67 höggum!!!

Ólafía Þórunn „okkar“ Kristinsdóttir úr Golfklúbbi Reykjavíkur tók þátt í Marathon Classic, sem fram fór í Sylvania í Ohio í Bandaríkjunum.

Þetta var 14. mótið á tímabilinu hjá Ólafíu Þórunni á sterkustu mótaröð heims og í 7. skiptið sem hún komst í gegnum niðurskurð

Ólafía Þórunn lék samtals á  280 höggum (71 70 72 67) og varð T-45. Í verðlaunafé hlaut Ólafía Þórunn $6,206 og fór upp um 5 sæti á stigalistanum og er nú í 116. sæti.  Ólafía Þórunn þarf að vera meðal 100 efstu til að halda öruggu sæti á LPGA mótaröðinni.

Samtals hefir Ólafía Þórunn nú unnið sér inn $ 40.046,-

In Kyung Kim frá S-Kóreu stóð uppi sem sigurvegari, lék á samtals 21 undir pari (65 67 68 63) og Lexi Thompson varð í 2. sæti.

Sjá má lokastöðuna á Marathon Classic með því að SMELLA HÉR: