LPGA: Ólafía Þórunn keppir á sínu 14. LPGA móti – fylgist með gengi hennar HÉR

Ólafía Þórunn Kristinsdóttir úr Golfklúbbi Reykjavíkur hefur í dag,  fimmtudaginn 20. júlí keppni á LPGA mótinu Marathon Classic sem fram fer í Sylvania í Ohio í Bandaríkjunum. Þetta er 14. mótið á tímabilinu hjá Ólafíu Þórunni á sterkustu mótaröð heims. Ólafía Þórunn hefur leik kl. 16:48 að íslenskum tíma.

Hægt að fylgjast með gangi mála hjá Ólafíu með því að SMELLA HÉR: 

Í byrjun júní náði Ólafía Þórunn sínum næst besta árangri á LPGA mótaröðinni þegar hún endaði í 36. sæti á Thornberry Creek mótinu. Besti árangur hennar er 30. sæti. Eins og staðan er núna er Ólafía Þórunn í 121. sæti stigalistans á LPGA mótaröðinni.

Á stigalista LPGA var Ólafía Þórunn í 131. sæti fyrir síðasta mót og hefur hún náð að klifra upp um 10 sæti.

Hún þarf að vera á meðal 100 efstu í lok tímabilsins til þess að halda keppnisrétti sínum á næsta tímabili.

Þeir kylfingar sem eru í sætum 101.-125 í lok tímabilsins fá takmarkaðann keppnisrétt á næsta tímabili en þurfa samt sem áður að fara í gegnum lokaúrtökumótið í desember.

Það er vonandi að Ólafíu Þórunni „okkar“ gangi allt í haginn í dag í Ohio!!!

Texti: GSÍ með smá breytingum Golf 1