Ragnhildur náði bestum árangri íslensku keppendanna á EM kvenna

Kvennalandsliðið í golfi keppir um sæti 17.-20. í C-riðli á Evrópumótinu í liðakeppni sem fram fer á Montado Resort í Portúgal. Íslenska liðið endaði í 18. sæti af alls 19 þjóðum sem taka þátt. Ísland lék á +38 samtals en Portúgal lék á +45 og endaði í neðsta sætinu í höggleiknum.

Nú tekur við holukeppni þar sem að liðin í sætum 1.-8. keppa um Evrópumeistaratitilinn í A-riðli, liðin í sætum 9.-16. keppa í B-riðli og liðin í sætum 17.-20. keppa í C-riðli.

Til þess að sjá lokastöðuna í höggleikshluta EM kvenna SMELLIÐ HÉR: 

Fimm bestu skorin á hverjum hring töldu í hverri umferð.

Ragnhildur Krisinsdóttir úr GR náði bestum árangri í íslenska liðinu en hún endaði í 23. sæti í einstaklingskeppnini á -1 samtals.

Ragnhildur lék hringina tvo á 74 og 69 höggum og var síðari hringurinn glæsilegur hjá Ragnhildi.

Guðrún Brá Björgvinsdóttir var á parinu samtals (72-72) og endaði í 34. sæti.
Helga Kristín Einarsdóttir úr GK endaði í 93. sæti á (77-76).

Saga Traustadóttir úr GR lék á 156 höggum eða 79-77 og endaði í 101.sæti. Berglind Björnsdóttir úr GR lék á 83-81 og endaði í 111. sæti og Anna Sólveig Snorradóttir úr GK lék á (81-85) og endaði í 112. sæti.