Áskorendamótaröð Íslandsbanka (3): Fjóla Margrét sigraði í flokki 10 ára og yngri hnáta

Þriðja mót tímabilsins á Áskorendamótaröð Íslandsbanka fór fram á sjálfum þjóðhátíðardegi Íslands á Gufudalsvelli hjá Golfklúbbi Hveragerðis. Keppendur voru allir ræstir út á sama tíma.

Jussi Pitkänen afreksstjóri GSÍ afhenti verðlaunin og í mótslok var boðið upp á létta grillveisli.

Aðstæður í Hveragerði voru nokkuð krefjandi en mikil úrkoma gerði keppendum erfitt um vik – en rúmlega 50 keppendur tóku þátt.

Áskorendamótaröðin er ætluð þeim kylfingum sem vilja öðlast meiri keppnisreynslu áður en haldið er inn á sjálfa Íslandsbankamótaröðina.

Úrslit í flokki 10 ára og yngri  hnáta, sem spiluðu 9 holur,  voru eftirfarandi: 

1. Fjóla Margrét Viðarsdóttir, GS 49 högg
2. Lilja Dís Hjörleifsdóttir, GK 52 högg
3. Halla Stella Sveinbjörnsdóttir, GKG 54 högg