Bandaríska háskólagolfið: Guðrún Brá lauk keppni T-9 á MWW Golf Championship

Guðrún Brá Björgvinsdóttir, GK og golfið hennar í bandaríska háskólagolfinu, Fresno State, luku í gær keppni á Mountain West Women´s Golf Championship.

Mótið fór fram á Dinah Shore Tournament golfvellinum í Mission Hills Country Club – Dinah Shore í Rancho Mirage, Kaliforníu.

Það er í Rancho Mirage sem ANA Inspiration risamótið fer fram á hverju ári!

Guðrún Brá lauk keppni T-9 og lék á samtals 4 yfir pari, 220 höggum (72 74 73). Þátttakendur voru 45 í mótinu.

The Bulldogs, golflið Fresno State varð í 4. sæti af 9 háskólaliðum.

Sjá má lokastöðuna á Mountain West Women´s Golf Championship með því að SMELLA HÉR:

Þetta er síðasta mót Guðrúnar Brá með kvengolfliði háskólans síns en hún er efstubekkingur og útskrifast í vor frá Fresno State.