LPGA: Ólafía á +3 e. fyrri 9 á 1. hring á Hawaii

Ólafía Þórunn Kristinsdóttir, GR, er að spila í sínu 5. LPGA móti, LOTTE Championship á Hawaii.

Nú þegar hún hefir spilað 9 holur er ljóst að byrjunin er afar erfið hjá henni.

Hún var á parinu á par-5 1. holunni en fékk síðan tvo skolla í röð og var því þegar á 3. holu komin 2 yfir.

Á par-5 5. holunni versnaði staðann enn þegar Ólafía fékk tvöfaldan skolla þ.e. lék brautina á 7 höggum og var komin í 4 yfir.

Ólafía sýndi þó karakter og tók þetta aðeins aftur með fugli á 6. holu og fékk síðan pör það sem eftir var fyrri 9.

Efst þegar þetta er skrifað er Paula Creamer en hún hefir spilað 14 holur á 6 undir pari; hefir fram til þessa fengið 6 fugla og 8 pör og er að svo komnu máli með skollalaust skorkort.

Það er óskandi að Ólafíu gangi betur með seinni 9 – Áfram Ólafía!!!

Sjá má stöðuna á LOTTE Championship presented by Hershey með því að SMELLA HÉR: