Thomas Pieters segir PGA félögum sínum að vera ekki m. „vitleysu“ á félagsmiðlunum

Belgíski kylfingurinn Thomas Pieters, sem kominn er með tímabundna undanþágu til að spila á PGA Tour, hefir sagt við félaga sína á PGA Tour, þ.e. þá Grayson Murray og Kelly Kraft að vera ekki að tvíta „vitleysu“ á félagsmiðlunum.

Báðir hafa þeir Murray og Kraft stígið fram á félagsmiðlunum og sagt kylfinga utan Bandaríkjanna fara fljóta upp heimslistann bara af því að þeir spili í Evrópu og Asíu.

Suður-kóreanski kylfingurinn Byeong Hun An blandaði sér einnig í samræður þeirra Pieters, Murray og Kraft sem fulltrúi Asíu og til að vera Pieters til stuðnings.

Kraft er sem stendur í 178. sæti heimslistans og Murray í 155. sætinu. Pieters er í 34. sæti heimslistans og An í 55. sæti.

Hvað eru Pieters og An annars að tjá sig við einhverja kylfinga sem ekki einu sinni meika það inn á topp-150?

Svona til stuðnings Pieters og An þá er það eitt að spila á Evrópumótaröðinni eða Asíutúrnum ekki nóg til þess að kylfingar komist sjálfkrafa í risamót eða heimsmót – maður verður eftir sem áður að spila ótrúlega vel til þess að njóta þess, sem til var sáð.

Á hinn bóginn mætti benda á niðurstöður tveggja viðskiptafræðiprófessora frá Columbia University, Mark Broadie og Richard J. Rendleman, frá 2013, en það komast þeir að því að heimslistinn mismunar leikmönnum sem spila öll mót sín einvörðungu á PGA Tour.

En lítum aðeins og nokkur tvít sem fóru á milli annars vegar Kraft og Murray og hins vegar Pieters og An.

Kelly Kraft: „It´s amazing how fast some of the Asian Tour / Euro Tour guys rise in the World ranking.“  (Lausleg þýðing: Það er ótrúlegt hversu hratt sumir af Asíutúrs og Evróputúrs gaurunum hækka á heimslistanum.“

Grayson Murray: „Let´s go play over there and then we will be in every major and WGC event for the rest of our lives.“ (Lausleg þýðing: Förum og spilum þar og þá verðum við í öllum risamótum og heimsmótum það sem eftir er ævinnar.“)

Thomas Pieters: „or you guys could just text that to each other and not make a fool of yourself for tweeting nonsense.“ (Lausleg þýðing: eða þið gæjarnir gætuð bara skiptst á þessu ykkar á milli og ekki gert ykkur að fíflum fyrir að tvíta þessa vilteysu.“

Byeong Hun An: „don´t be jealous, just come to Europe and Asia to at least have a chance to play WGC´s and Majors.“ (Lausleg þýðing: Ekki vera afbrýðissamir, komið bara til Evrópu og Asíu til þess að hafa a.m.k. tækifæri til að spila á heimsmótum og risamótum.“

Grayson Murray: „Why did you go to Europe when you turned pro? Oh wait you couldn´t get through PGA Tour School right away …“  (Lausleg þýðing: „Af hverju fórstu til Evrópu þegar þú gerðist atvinnumaður? Ó, bíddu þú komst ekki gegnum PGA Tour School strax ….)