Lögmenn vísa til Phil Mickelson í innherjaviðskiptamáli

Saksóknari og verjandi í innherjaviðskiptamáli voru sammála í gær, miðvikudaginn 15. mars 2017,  um að kylfingurinn Phil Mickelson væri mikilvægur máli þeirra og sögðu kviðdómendum að hann myndi hjálpa þeim við að taka ákvörðun um hvort atvinnuveðmálahundurinn frá Las Vegas, Billy Walters, hefði ólöglega grætt um $ 40 milljónir með innherjaviðskiptum.

Nafn Mickelson var þegar getið í upphafsorðum beggja í réttarhaldinu þegar aðstoðarsaksóknari Bandaríkjanna Michael Ferrara sagði kviðdómendum frá því  að veðmálamaðurinn William „Billy“ Walters hefði hvatt vini, þ.á.m. Mickelson til þess að kaupa hlutabréf í Dean Foods Co., sem er fyrirtæki staðsett í Dallas og ein af stærstu mjólkursamsölum Bandaríkjanna sem selur mjólk til  smásölukaupmanna.

Ferrara sagði að Walters hefði haft upplýsingar frá fyrrum stjórnarmeðlim Dean Foods og kallaði það: „another way you know Walters had the hottest information in town.“

Mickelson slapp við kæru í refsimáli eftir að hlutabréfanefnd Bandaríkjanna hafði kært hann í einkamáli fyrir að græða $1 milljón í verðbréfaviðskiptum 2012 eftir ráðgjöf Walters. Mickelson samþykkti að endurgreiða umrædda upphæð.

Þegar komið var að verjanda Walters, minntist sá þ.e. Barry Berke einnig á Mickelson og benti á að einmitt það að Mickelson hefði haft þessar upplýsingar sannaði að umbjóðandi hans væri saklaus því það hefði ekki meikað sens fyrir Walters að segja stjörnu líkt og Mickelson frá leyndarmálum.

Með orðum Berke: „Ef þú ert Bill Walters og einhver er að láta þig hafa innherja upplýsingar þá myndi það síðasta sem þú myndir gera vera að gefa þær upplýsingar til Phil Mickelson, sem er einn af frægustu íþróttamönnum heims, sem er undir reglulegu eftirliti.“

Hvorugur lögmannanna lofaði kviðdómendum að þeir myndu fá að heyra Mickelson bera vitni. En dómarinn  U.S. District Judge Kevin Castel hann hintaði að því að það gæti verið möguleiki þegar hann spurði verðandi kviðdómendur á mánudaginn hvort þeir gætu gætt sanngirni „ef einhver kæmi í vitnastúkuna og segði: „Ég er atvinnukylfingur.“

Þannig að það er a.m.k. möguleiki að Phil Mickelson verði að bera vitni í innherjaviðskiptamálinu, sem hann hefir flækst í.