Nýju stúlkurnar á LET: Natalia Escuriola Martinez (54/66)

Lokaúrtökumót LET fór fram á golfvöllum í Samanah og Almelkis golfklúbbana í Marokkó, dagana 17.-21. desember 2016 og voru spilaðir hefðbundnir 5 hringir.

Efstu 30 í lokaúrtökumóti LET, Lalla Aicha Q-school í Marokkó hlutu fullan og næstu 36 þ.e. þær sem höfnuðu í sætum 31-66 takmarkaðan spilarétt.

Stoltið okkar, sú sem hafnaði í 2. sæti, Valdís Þóra Jónsdóttir, hefir þegar verið kynnt en nú verður hafist handa við að kynna hinar.

Nú erum við að kynna þær sem höfnuðu í 12. sæti og hlutu fullan spilarétt á LET; en það voru 4 stúlkur sem allar léku á 7 undir pari, 353 höggum, hver.

Þetta eru þær Ariane Provot frá Frakklandi (70 74 70 70 69); Inci Mehmet frá Englandi (71 72 73 67 70); Natalia Escuriola Martinez frá Spáni (66 73 68 75 71) og Lauren Horseford frá Englandi.

Ariane Provot og Inci Mehmet hafa þegar verið kynntar og í dag er það hin spænska Natalia Escuriola Martinez.

Natalia Escuriola Martinez fæddist í Castelleon á Spáni, 1. ágúst 1994 og er því 22 ára.

Natalia byrjaði í golfi 5.

Hún segir helsta áhrifavaldinn í golfi sínu hafa verið pabba sinn og frænda.

Uppáhaldskylfingur Natalíu er Rory og uppáhaldsgolfvöllurinn er Sotogrande.

Í spænska boltanum heldur Natalia með Villareal.

Natalia gerðist atvinnumaður í golfi 7. september 2015.

Uppáhaldsáhugamál er að vera með fjölskyldu sinni og slakar á við lestur bóka og með því að hlusta á tónlist.

Helsti árangurinn á golfsviðinu hingað til er að vera fulltrúi Spánar 2014 á Ladies European Team Championships.

Natalia varð í 2. sæti á stigalista LET Access 2015 og hlaut þannig kortið sitt og fulls spilaréttindi á LET keppnistímabilið 2016. Hún hóf árið 2015 sem áhugamaður en ákvað síðan að gerast atvinnuaður síðustu tvö mótin. Natalia hefir sigrað tvívegis á LET Access; fyrri sigurinn kom á CitizenGuard LETAS Trophy sem áhugamaður og seinni sigurinn á lokamóti LET Access 2015,  WPGA International Challenge, en það er eini sigur henni hingað til sem atvinnumanns. Natalia náði 4 topp-3 áröngrum á keppnistímabilinu. Hún sigraði líka á DISA Spanish professional tournament.