Nýju stúlkurnar á LPGA 2017: Laetitia Beck (42/54)

Þann 30. nóvember – 4. desember 2016 fór fram 3. stigs mót LPGA, lokaúrtökumót um hverjar 20 myndu hljóta fullan keppnisrétt á LPGA keppnistímabilið 2016-2017 og hvaða keppendur hlytu takmarkaðan keppnisrétt þ.e. þær sem voru í sætum 21-45 og þær sem jafnar voru í 45. sætinu eða T-45.

155 þátttakendur voru að þessu sinni.

Nú hafa þær stúlkur verið kynntar sem rétt sluppu inn á LPGA og eru með takmarkaðan keppnisrétt 2017.

Nú næst verða sem deildu 12. sætinu og hlutu kortið sitt og FULLAN keppnisrétt á LPGA kynntar – en þær léku á samtals 6 undir pari, 354 höggum.

Þetta er þær Amy Anderson ( 71 71 70 70 72) og Laetitia Beck  (76 66 71 68 73).

Í kvöld verður Laetitia Beck kynnt.

Laetitia Beck (hebreska: לטיסיה בק) fæddist 5. febrúar 1992 í Antwerpen í Hollandi og er því 24 ára.

Hún er fyrsti ísraelski kylfingurinn til þess að keppa á LPGA. Í Ísrael býr hún í Caesarea.

Hún tók þátt í fyrsta móti sínu sem atvinnumaður á Opna breska kvenrisamótinu 2014, en það ár gerðist hún atvinnumaður í golfi.

Beck hefir sigrað The Israeli Open Golf Championship 5 sinnum, í fyrsta sinn þegar hún var 12 ára.

Hún vann einnig gullmedalíur í golfi 2009 og 2013 í Maccabiah Games.

Beck lék í bandaríska háskólagolfinu með liði Duke University á árunum 2010–14, þar sem hún var í kvennagolfliði háskólans Blue Devils.

Árið 2011 var hún kjörin Atlantic Coast Conference nýliði ársins, árin 2013 og 2014 svar hún All-American, og á háskólaárum sínum var hún með meðahöggafjölda á hring upp á 73.58 (sem er 10. besti árangur í sögu skólans).

Beck sú fyrsta frá Ísarel til þess að keppa í móti á LPGA og í desember 2014 varð hún, eins og áður segir, sú fyrsta frá Ísrael til þess að komast á LPGA.