Nýju stúlkurnar á LET 2017: Chloe Williams (17/66)

Lokaúrtökumót LET fór fram á golfvöllum í Samanah og Almelkis golfklúbbana í Marokkó, dagana 17.-21. desember 2016 og voru spilaðir hefðbundnir 5 hringir.

Efstu 30 í lokaúrtökumóti LET, Lalla Aicha Q-school í Marokkó hlutu fullan og næstu 36 þ.e. þær sem höfnuðu í sætum 31-66 takmarkaðan spilarétt.

Stoltið okkar, sú sem hafnaði í 2. sæti, Valdís Þóra Jónsdóttir, hefir þegar verið kynnt en nú verður hafist handa við að kynna hinar og byrjað á þeim sem rétt sluppu inn á LET.

Það voru 4 stúlkur sem höfnuði í 47. sæti allar á samtals 3 yfir pari, 363 höggum, en þetta eru þær: Saaniya Sharma, Ainil Bakar,
Nina Pegova og Chloe Williams.

Byrjað verður á því að kynna Chloe Williams.

Chloe Williams er frá Wales, fædd 1995 og því 21 árs. Hún býr í Wrexham í Englandi.

Chloe tók þátt í Australian Youth Olympics 2013 og tók m.a. bronsið í einstaklingskeppninni og eins var hún í liði Great Britain & Ireland í fyrsta skipti 2015.

Chloe var m.a. ein af þeim í liði Wales sem lék í European Ladies’ Team Championships í Oddinum, 2016.

Chloe er nr. 64 af kvenáhugamönnum í Evrópu í golfi og nr. 1 kvenáhugamaður í golfi í Wales.

Eftir frammistöðuna í Lalla Aicha Tour School er hún komin með takmarkaðan spilarétt á bestu kvenmótaröð í Evrópu.

Sjá má facebooksíðu Chloe með því að SMELLA HÉR: