LET: Vonbrigði! Munaði svo litlu að Ólafía kæmist g. niðurskurð á Sanya Ladies Open!!!

Ólafía Þórunn Kristinsdóttir, GR, komst ekki gegnum niðurskurð á Sanya Ladies Open, sem fram fer í Yalong Bay GC í Sanya í Kína.

Hún spilaði á samtals 5 yfir pari, 159 höggum (75 74) og munaði aðeins 1 höggi að hún kæmist í gegn!

Niðurskurður var miðaður við 4 yfir pari og betra.

Óhætt er að fullyrða að slæmur kafli á 10.-13. holu hafi gert út um vonir Ólafíu að spila um helgina, en hún fékk 4 skolla í röð og það er heilmikið sjokk, sem erfitt er að jafna sig á, á stuttum tíma!

Ólafía barðist þó eins og ljón, tókst að ná einu höggi aftur á par-4 14. holunni en paraði því miður síðustu 4 holurnar, þar sem hún HEFÐI átt að ná 1 fugli á.

En það þýðir ekki að vera með neina eftirsjá – þetta fer eins og svo margt annað bara í reynslubankann og það gengur bara betur næst!!!

Það eru hin franska Gwladys Nocera og heimakonan Yan Liu frá Kína, sem leiða á Sanya Ladies Open, á samtals 6 undir pari, hvor.

Til að sjá stöðuna á Sanya Ladies Open SMELLIÐ HÉR: