Úrtökumót f. Evróputúrinn: Misjafnt gengi íslensku kylfinganna 4 e. 2. dag

Fjórir íslenskir kylfingar hófu leik í gær á úrtökumótinu fyrir Evrópumótaröðina.

GR-ingarnir Guðmundur Ágúst Kristjánsson, Andri Þór Björnsson og Haraldur Franklín Magnús leika allir á Frilford Heat vellinum á Englandi. Þetta er fyrsta tilraun þeirra við úrtökumótið. Það voru sviptingar á öðrum keppnisdegi hjá þríeykinu úr GR eftir góða byrjun á fyrsta keppnisdeginum. Keppni er ekki lokið í dag þegar þetta er skrifað. Andri Þór Björnsson er á -1 samtals í 15. sæti, Haraldur Franklín er á +2 samtals í 31. sæti og Guðmundur Ágúst er á +3 í 49. sæti.

Sjá má stöðuna á Frilford Heath á Englandi með því að SMELLA HÉR: 

Birgir Leifur Hafþórsson úr GKG keppir á Ítalíu á 1. stigi úrtökumótsins en þetta er í 18. sinn sem Birgir Leifur reynir við úrtökumótið. Hann hefur tvívegis farið alla leið inn á Evrópumótaröðina og er eini íslenski karlkylfingurinn sem hefur náð þeim árangri. Birgir er á +2 samtals eftir að hafa leikið á 70-76. Íslandsmeistarinn er í 37. sæti.

Sjá má stöðuna í Bogogno á Ítalíu með því að SMELLA HÉR: