Hver er kylfingurinn: Alexander Lévy?

Hver er kylfingurinn Alexander Lévy? Svara má því með ýmsum hætti:

Alexander Lévy er Gyðingur, fæddur 1. ágúst 1990 í Orange, Kaliforníu og því nýorðinn 26 ára. Pabbi hans (Phillippe) og reyndar foreldrar hans eru báðir lyfjafræðingar.

Lévy er franskur atvinnukylfingur sem sigraði s.l. helgi – þ.e. á 5 ára afmælisdegi Golf 1 og dánardegi Arnold Palmer, 25. september 2016, 3. mót sitt á Evrópumótaröðinni, Porsche European Open.

Alexander Levy sigurvegari Porsche European Open

Lévy vann franska áhugamannameistaramótið (ens.: French Amateur Championship ) 2009 og  French International Amateur Championship árið á eftir. Á glæstum áhugamannaferli sínum var hann einnig í sigurliði Frakka í Eisenhower Trophy World Team Championship.

Lévy gerðist atvinnumaður 2011,og vann fyrstu tvo sigra sína á Evrópumótaröðinn 2014: þ.e. á  Volvo China Open (sjá má frétt Golf 1 þar um með því að SMELLA HÉR:  ) og the Portugal Masters (sjá má frétt Golf 1 þar um því því að SMELLA HÉR: )

Þegar Lévy var 4 ára  fluttist fjölskylda hans frá Kaliforníu til Bandol, í Frakklandi, þar sem hann býr enn í dag. Aðeins 14 ára var hann kominn í Golfskóla  (ens. French Federation of Golf’s academy for secondary school)

Lévy er uppnefndur El Toro.

El Toro er uppnefni Lévy

Eftir að Lévy gerðist atvinnumaður  2011 spilaði hann fyrst á Áskorendamótaröð Evrópu (ens. Challenge Tour) í boði styrktaraðila 2011 og 2012 en vann síðan inn kortið sitt fyrir 2013 keppnistímabilið (sjá kynningu Golf 1 á nýju strákunum á Evróputúrnum þ.á.m. Lévy með því að SMELLA HÉR:

Fyrsta mótið sem hann sigraði á Evrópumótaröðinni var sem fyrr segir Volvo China Open og sigurinn kom 2014 í móti sem haldið var í samvinnu við OneAsia Tour. Sigurskor Lévy var það sama og á Porsche European Open þ.e. 19 undi rpari, 269 högg.   Lévy setti vallarmet 62 högg á 2. hring þess móts í Genzon golfklúbbnum, sem varð til þess að hann komst í 4 högga forystu, sem hann hélt. Í kjölfar sigurs síns var Lévy valinn leikmaður aprílmánaðar á Evrópumótaröðinni.

Lévy fékk í fyrsta skiptið að taka þátt í risamóti 2014 og það var PGA Championship. Í október 2014 vann hann síðan 2. titil sinn á Evrópumótaröðinni þegar hann sigraði á Portugal Master, mót sem var stytt vegna veðurs í 36 holu mót, líkt og í Porsche mótinu nú, þó það mót hafi aðeins verið stytt í 3 hringja mót.

Sl. sunnudag, 25. september 2016, sigraði Lévy síðan á 3. móti sínu á Evrópumótaröðinni:  Porsche European Championship.