Hvers þarfnast Rory? Nýs pútters? Sveifluþjálfara? Sálfræðings?

Rory McIlroy komst ekki í gegnum niðurskurð s.s. allir vita sem fylgdust með PGA Championship.

Menn velta fyrir sér hvað er að?

Hann hlýtur að vera í þvílíkri naflaskoðun í augnablikinu og þarf að líta vel í spegilinn.

Maðurinn sem hann sér hlýtur honum að finnast kunnuglegur – en það vantar samt eitthvað….

Það vantar blikið í augnum – það virðist ekki vera lengur þar.  Það er ekki farið að eilífu, bara farið.

Akkílesarhæll Rory hafa alltaf verið púttin hans; kannski hann þarfnist nýs pútters eða leiðbeinanda í puttum?

Það er engin auðveld lausn.

Rory hefir þegar sigrað í 4 risamótum. Hvað er það sem vantar í að hann þyrsti í 5. risatitilinn?

Það vantar ekkert upp á þorstann eflaust – það eru púttin – og hann vantar einhvern góðan þar við hlið sér.

Það mátti skynja sársaukann þegar Day setti niður hvert púttið á fætur öðru og öll fóru framhjá hjá Rory.

Kannski þarf hann jafnvel sálfræðing núna til þess að koma hugarfarinu aftur í góðan farveg.

Tölfræðin talar sínu máli. Rory er í 151. sæti í púttum af 156 sem kepptu á fyrstu 2 hringjunum í  PGA Championship.

Það væri nóg til þess að hver meðalkylfingur færi yfir um – en Rory verður þar að auki að standa undir væntingum.

Eftir Masters hrylling Rory 2011 leitaði hann ráða hjá Dave Stockton og vann næsta risamót á eftir, Opna bandaríska.

Kannski væri ráð að banka upp á hjá Stockton aftur, en hann er annálaður púttsérfræðingur.  Ekki úr vegi að fara líka í tíma hjá Robert Rotella, gúru allra golfsálfræðinga!

Hvað sem er taka má undir með Rory þegar hann sagði, þegar PGA Championship var lokið hjá honum: „Ég verð að gera eitthvað!“