Davis Love III útnefndur sendiherra golfsins í aðdraganda Bridgestone Inv.

Davis Love III hlýtur á morgun kl. 5:30 að staðartíma í Ohio, Bandaríkjunum (þ.e. kl. 10:30 að íslenskum tíma) heiðurstitilinn „sendiherra golfsins“ af Northern Ohio Golf Charities við viðhöfn á 1. teig í Firestone Country Club.

Viðurkenningin er veitt degi áður en Bridgestone Invitational heimsmótið hefst, en hún er veitt árlega þeim einstaklingi, sem hefir  á alþjóða vettvangi beitt gildum golfleiksins og það jafnvel utan vallar.

Love III er 52 ára og hefir í 21 skipti sigrað á PGA Tour og verður í ár fyrirliði liðs Bandaríkjanna í Rydernum s.s. allir vita. Hann starfar líka sem golfvallarhönnuður og hefir ritað bókina „Every Shot I Take“, þar sem hann fer yfir áhrif þau sem faðir hans, sem var golfkennari, hafði á leik hans – Bókin hlaut m.a.  bókarverðlaun bandaríska golfsambandsins þ.e. USGA International Book Award.

Love Jr. faðir, Davis Love III dó í flugslysi 1988 þegar hann var á leið að hitta golfkennara Golf Digest Schools.

Love III sagði að hann sæji sig enn sem „krakka að spila golf.“ Honum þykir vænt um heiðursviðurkenninguna vegna þess að hann veit hversu mikla þýðingu hún hefði haft fyrir föður hans.

„Ég sá sjálfan mig aldrei sem sendiherra eða Payne Stewart heiðursviðurkenningaþega eða  Bobby Jones verðlaunahafa. En ég hef sagt s.l. ár að pabbi myndi hafa verið eins stoltur eða enn stoltari af þessum viðurkenningum eða að hafa verið útnefndur fyrirliði Ryder liðs en ég þegar ég vinn golfmót, því þetta er það sem hann lifði fyrir.“