LET: Ólafía lauk leik T-16 í Tékklandi með lokahring upp á 68 – Glæsilegt!!!

Ólafía Þórunn Kristinsdóttir úr GR hefur lokið leik á Tipsport Golf Masters, sem fer fram á Park Pilsen vellinum í Tékklandi. Ólafía lék lokahringinn á 68 höggum eða -3 og samtals lék hún hringina þrjá á -5 (71-69-68). Ólafía var í 23. sæti fyrir lokahringinn og lauk keppni T-16.  Þetta er besti árangur hennar á sterkustu atvinnumótaröð kvenna í Evrópu og aðeins annað mótið sem hún tekur þátt í.

Eins og áður segir er þetta annað mótið á ferlinum hjá Ólafíu Þórunni á Ladies European Tour. Hún endaði í 106. sæti á +12 á fyrsta mótinu sem fram fór í Marokkó.

Næsta mót á Ladies European Tour fer fram í Aberdeen í Skotlandi dagana 22.-24. júlí og er Ólafía í 24. sæti á biðlista fyrir það mót. Það gæti breyst mikið eftir árangurinn í Tékklandi enda fær hún mikið af stigum á styrkleikalistann með góðum árangri á þessu móti.

Til þess að sjá lokastöðuna á Tipsport mótinu SMELLIÐ HÉR: