Samtöl milli Spieth og kaddýsins hans

Jordan Spieth og Michael Greller eru e.t.v. besta leikmanns-kaddý teymið í golf-buisnessnum, sem er nokkuð sem Spieth þykir vænt um.

Hann talar ekki um Greller eins og flestir kylfingar tala um kylfusveina sína.

Þegar Spieth talar um leik sinn, talar hann um Greller og sig, sem „við“ og „okkur.“

Það eru þessi sterku tengsl sem hafa m.a. leitt til þess að Spieth hefir náð slíkum himinhæðum innan golfsins svo ungur sem hann er og s.l. laugardag var míkrófónn Fox Sports sem náði áhugaverðu samtali milli þeirra tveggja.

Áður en „þeir“ slógu högg sitt inn að 9. holu þá djókuðu þeir með hversu langt Dustin Johnson sigurvegari Opna bandaríska sló boltann, ræddu um val og voru hissa á að áhorfendur væru ekki að dást að höggi DJ.

Svona hefir tækninni fleygt fram. Allt næst upp og er orðin stórfrétt án þess að ætlun væri til þess.