Evróputúrinn: Willett valinn kylfingur mánaðarins í 3. sinn á árinu!!!

Danny Willett, 28 ára,  hefir verið valinn Hilton kylfingur apríl mánaðar á Evróputúrnum, m.a. vegna frábærs sigurs hans á The Masters.

Þetta er í þriðja sinn sem Willett hlýtur þennan heiður nú á árinu, en hann var m.a. valinn kylfingur mánaðarins í janúar 2016 en hann var í sigurliði EurAsíu bikarsins og síðan var hann einnig kylfingur febrúar mánaðar fyrir sigur í Omega Dubai Desert Classic.

Willett var fyrsti Englendingurinn í 20 ár og 7. Evrópubúinn til að sigra á The Masters þegar hann vann 2 högga sigur á Jordan Spieth og Lee Westwood.

Willett sagði m.a.: „Ég er ánægður að sigra titilinn Hilton kylfingur apríl mánaðar á Evróputúrnum aftur. Að sigra einu sinni á keppnistímabili er heiður en að ná því þrisvar er mjög sérstakt.„

„Augljóslega stendur þessi (heiður) aðeins meira upp úr vegna þess að hann er fyrir að sigra Masters mótið og fyrsta risamótið mitt, þannig að þetta er örugglega viðurkenning sem ég mun minnast.“