GM: Hákon og Hjörleifur Harðarsynir sigruðu á 1. maí móti GM 2016

Í dag fór fram hjá Golfklúbbi Mosfellsbæjar hið árlega 1. maí mót GM, í allrahanda veðri: sólskini, slyddu, rigningu og hagléli.

Keppnisfyrirkomulag var hefðbundið og veitt verðlaun fyrir besta skor og efstu 5 sætin í punktakeppni og nándarverðlaun á öllum par-3 holum.

Um 121 var skráður í mótið og 114 luku keppni, þar af 11 kvenkylfingar en af þeim stóð sig best heimakonan Margrét Óskarsdóttir, GM, bæði í höggleik og punktakeppni – var á 87 höggum og með 32 punkta.

Á besta skorinu var Hákon Harðarson úr GR, en hann lék Hlíðavöll á 2 undir pari, 70 höggum.  Á hringnum fékk Hákon 8 fugla, 6 pör, 2 skolla og 2 skramba.

Hákon Harðarson, GR. Mynd: Í einkaeigu

Í efstu 5 sætunum í punktakeppninni urðu eftirfarandi: 

1 Hjörleifur Harðarson GKG (25 15) 40 punktar
2 Viktor Ingi Einarsson GR (20 19) 39 punktar
3 Hákon Harðarson GR (17 21) 38 punktar – tók ekki verðlaun í punktakeppninni.
4 Elís Rúnar Víglundsson GM (17 21) 38 punktar
5 Jón Lárus Kjerúlf GR (23 15) 38 punktar
6 Sigurður Óli Sumarliðason GM (19 18) 37 punktar.

Nándarverðlaun:
1. Jón Lárus Kjerúlf, GR, 45 cm
9. Sigmundur V. Guðnason, 98 cm
12. Ríkharður Óskar Guðnason, GM, 25 cm
15. Sveinbjörn Guðjón Jónsson, GS, 33 cm
Því miður urðu þau mistök við mótshaldið að nándarmælingar voru ekki settar út á 4. og 18. braut vallarins eins og getið var um í keppnisskilmálum. Kylfingar eru beðnir velvirðingar á þessu en því miður uppgötvuðustu þessi mistök ekki fyrr en nokkrir ráshópar höfðu þegar lokið leik. Ekki var á þeim tímapunkti hægt að bæta úr heldur var ákveðið að draga þessi nándarverðlaun út á meðal mótsgesta. Þeir heppnu voru:
Axel Jóhann Ágústsson, GR
Andri Páll Ásgeirsson, GK
Golfklúbbur Mosfellsbæjar vill þakka öllum kylfingum fyrir komuna á Hlíðavöll í dag. GM minnir jafnframt á næsta mót, sem fram fer á fimmtudaginn 5. maí næstkomandi – Opna Golfkúlur.is. Skráning er hafin á golf.is. Öll verðlaun verður hægt að nálgast í afgreiðslu GM á Hlíðavelli frá og með mánudeginum 2. maí.

Golf 1 mun birta myndaseríu úr mótinu á morgun.