Evróputúrinn: Li Haotong gæti skrifað sig í sögubækurnar

Li Haotong gæti skrifað sig í sögubækurnar á morgun þegar lokahringur  Volvo China Open fer fram.

Li er í algjöfu uppáhaldi meðal kínverskra golfáhangenda og mun reyna að feta í fótspor landa síns Wu Ashun, sem varð 3. Kínverjinn til þess að sigra í þessu móti á síðasta ári.

Í fyrra varð Li í 6. sæti, sem er alls ekkert svo slæmt og hann mun nú eiga tækifæri að bæta fyrri góðan árangur.

Ef hann sigrar verður Kína ekki einvörðungu það land sem sigrað hefir oftast í mótinu eða 4 sinnum heldur verður Kína líka fyrsta landið, hvers kylfingar hafa sigrað ár eftir ár í mótinu, en það hefir aldrei gerst.

Hinn 20 ára Li hefir líka fullt af stuðningi á Topwin Golf and Country Club í Peking, en hann heillaði alla með frábærum 3. hring sínum upp á 66 högg á heimavelli.

„Í dag var virkilega góður dagur hjá mér,“ sagði Li. „Mér fannst þetta yndislegur hringur og ég náði mörgum fuglum, sérstaklega á fyrri 9 þar sem ég fékk 4 fugla í röð. Jafnvel með öllum þessum fuglum, þá var ég samt að missa fjögur pútt sem voru innan við 5 metra.“

„Langa spilið mitt er að verða miklu betra núna, það er að hafast og ég hlakka til morgundagsins.“