GL: Ingi Fannar og Eiríkur sigruðu í Húsmótinu

Í dag fór fram Húsmótið á Garðavelli á Akranesi.

Þátttakendur voru 34 (allt karlkylfingar – hvar eru kvenkylfingarnir á Skaganum?), en mótið var innanfélagsmót.

Keppnisfyrirkomulagið var hefðbundið – veitt voru verðlaun fyrir 3 efstu sætin í punktakeppni og fyrir besta skor.

Á besta skori mótsins var Ingi Fannar Eiríksson, 73 höggum.

Ingi Fannar varð líka efstur í punktakeppninni með 39 punkta og þar af 18 á seinni 9, en hann gat ekki tekið við verðlaunum í báðum flokkum.

Þeir sem voru í næstu sætum á eftir Inga Fannari í punktakeppninni hafa því væntanlega tekið verðlaun í punktakeppninni, en það voru:

1 Eiríkur Karlsson GL 23 16 39 punktar
2 Vilhjálmur E Birgisson GL 17 21 38 punktar
3  Pétur Sigurðsson GL 15 22 37 punktar

Einnig voru veitt nándarverðlaun fyrir að vera næstur á 3. og 18. holu á Garðavelli.