GKB: Opnun Kiðjabergsvallar frestast til 6. maí

Veðrið hefur ekki alveg verið eins og vonir stóðu til og því verðum við að tilkynna að formleg opnun Kiðjabergsvallar mun frestast um viku, eða fram til föstudagsins 6. maí.

Hins vegar er félagsmönnum heimilt að spila völlinn um helgina.
Þrátt fyrir lengri sólargang þá hefur frost verið í jörðu undanfarnar nætur og því hefur ekki verið mikill gróandi í vellinum.

Þess vegna urðum við að hætt við opnun fyrir almenning um helgina, en útlitið er hins vegar ekki slæmt fyrir sumarið og virðist völlurinn koma vel undan vetri.

Búið er að taka holur og slá flatir og teiga og er því hægt að spila inn á allar sumarflatir fyrir félagsmenn þessa helgina.

Golfskálinn verður opinn hluta úr degi um helgina, og geta því félagsmenn fengið í það minnsta kaffi og með því. Formleg opnun skálans verður síðan um aðra helgi.