Challenge Tour: Minnsta glompan

Í gær hófst á Áskorendamótaröð Evrópu (ens. Challenge Tour) The Madrid Challenge en það er mót sem fer fram á Real Club de Golf La Herreria 28. apríl – 1. maí 2016.

Það sem vakið hefir athygli leikmanna á vellinum er pínulítil glompa sem eflaust er sú minnsta á öllum völlum mótaraðarinnar.

Pínulitla glompan er ekki meira en hrífuskaftslengd í þvermál 🙂

Hún er við 7. holu sem við fyrstu sín virðist bara venjuleg par-3 159 yarda (145 metra) hola með fimm sandglompum í kring.

En þarna er pínulitla glompan, sem vakið hefir athygli allra.

Hún er bara 1 – 1 1/2 metri í þvermál og er mjög vinsælt umræðuefni meðal leikmanna og áhorfanda í spænsku höfuðborginni.

En af hverju er hún þarna?

„Jose Gancedo (golfvallarhönnuður) gerði litlu glompuna að einkenni sínu“ sagði Fernando Blanco, íþróttastjóri Real Club de Golf La Herrería.

„Árið 2000 var völlurinn endurbyggður og hann kom henni þarna fyrir. Við erum ekki vissir um hversu stór/eða öllu heldur lítil hún er, en við giskum einhvers staðar milli 1 til 1 1/2 metra í þvermál.“