Nýju stúlkurnar á LPGA 2016: Christine Song (29/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 28 stúlkur verið kynntar og nú verða kynntar þær 3 sem deildu 19. sætinu en það eru: Benyapa Niphatsophon frá Thaílandi;  Jing Yan, frá Kína og Christine Song frá Bandaríkjunum.

Þessar þrjár þurftu síðan að heyja bráðabana um hverjar 2 af þeim fengu kortið sitt þ.e. fullan þátttökurétt á LPGA.

Þar höfðu þær Niphatsophon og Yan vinningin en Christine Song sat eftir með sárt ennið og takmarkaðan spilarétt á LPGA.

Stúlkurnar 3 í 19. sæti léku allar hringina 5 á samtals -3 undir pari, 356 höggum.

Í dag verður byrjað að kynna óheillakráku sl. árs Christine Song.

Christine Song fæddist í Burbank, Kaliforníu 14. júní 1991 og er því  24 ára.

Hún byrjaði að spila golf 10 ára og segir pabba sinn þá persónu sem hafi haft mest áhrif á feril sinn.

Christine gerðist atvinnumaður 17 ára, og er ein af þeim ungu kylfingum sem kaus að komast á mótaröð og fullnýta golfhæfileika sína í stað þess að fara í háskóla.

Christine komst strax á Futures Tour, þ.e. 21. janúar 2009. Þar á hún að baki 2 sigra. Hún sagði í viðtali að þar hefði hún helst notið þess að ferðast, spila á nýjum golfvöllum og kynnast ólíkum manngerðum.

Uppáhaldsgolfvöllur hennar er Louisiana Pelican Classic.

Styrkleikar golfleiks hennar eru nákvæmni af teig og chippin og púttin. Hún komst á LPGA í fyrstu tilraun sinni 2012, en þá varð hún í 2. sæti.

Hér má sjá afrek Christine á Futures Tour

Hér má sjá afrek Christine á LPGA