Hver er kylfingurinn: Minjee Lee?

Í gær sigraði ástralski kylfingurinn Minjee Lee Lotte Championship á Hawaii og vann þar með sinn 2. sigur (ef ekki 3. á LPGA mótaröðinni!)

Hver er þessi fallegi, hæfileikaríki kylfingur?

Minjee Lee fæddist 27. maí 1996 og verður því 20 ára í næsta mánuði.

Hún er frá Perth í Ástralíu.

Minjee varð nr. 1 á heimslista áhugamanna í golfi 26. febrúar 2014 eftir sigur á  Oates Victorian Open á ástralska ALPG túrnum. Hún hafði þó stutta viðdvöl þar því í september 2014 varð Minjee atvinnumaður í golfi.  Golf World tók við það tækifæri eftirfarandi viðtal við Minjee SMELLIÐ HÉR: 

Minjee Lee

Meðal stærstu sigra hennar sem áhugamanns eru U.S. Girls’ Junior (árið 2012) og eins sigrar á the Australian Women’s Amateur (árin 2013 og 2014).  Þar áður var Minjee búin að sigra eftirfarandi mót 2011 (15 ára): Handa Junior Masters, Western Australia Women’s Amateur, Singapore Ladies Amateur, Srixon International Junior Classic, Tasmanian Stroke Play Championship.

Minjee hefir verið í kvennalandsliði Ástrala frá árinu 2013 og leiddi m.a. lið sitt til sigurs í Espirito Santo Trophy 2014.

Minjee Lee í sigursveit Ástralíu

Á úrtökumóti LPGA í desember 2015 ávann Minjee sér kortið sitt á LPGA og er því nýliði í ár á mótaröðinni og ekki ólíklegt að hún hljóti titilinn nýliði ársins í lok árs 2016 því hún vann sér inn kortið sitt með stæl deildi 1. sætinu á úrtökumótinu og er nú búin að vinna fyrsta sigurinn á keppnistímabilinu á Lotte Championship, eins og áður sagði.

Þetta er þó fráleitt fyrsti sigur Minjee á LPGA; áður var hún búinn að sigra einu sinni á LPGA þ.e. á Kingsmill Championship 18. maí 2015.

Frábær kylfingur á ferð þar sem Minjee er og verður forvitnilegt að fylgjast með henni í sumar og hvort henni tekst að bæta við nokkrum titlum!

Minjee Lee frábær kylfingur!