Nýju stúlkurnar á LPGA 2016: Sherman Santiwiwatthanaphong – (22/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 18 stúlkur verið kynntar, 7 sem urðu T-43 í lokaúrtökumótinu og voru neðstar af þeim sem hlutu þátttökurétt á LPGA; síðan Caroline Westrup og Samantha Richdale, sem deildu 41. sætinu; þær 5 sem urðu í 36. sæti þ.e. Karlin Beck, Nicole Jeray, Ani Gulugian og Ssu Chia Cheng og Anne-Catherine Tanguay frá Kanada og svo þær 4 sem deildu 32. sætinu: Su Oh; Demi Runas; Heather Bowie Young og Pavarisa Yoktuan.

Í dag verður byrjað að kynna þær 6 sem deildu 26. sætinu en það eru: Briana Mao frá Bandaríkjunum; Marion Ricordeau frá Frakklandi; Prima Thammaraks frá Thaílandi; Jiayi Zhou, frá Kína; Brittany Altomare frá Bandaríkjunum og stúlkuna með langa eftirnafnið Sherman Santiwiwatthanaphong , frá Thaílandi. Ricordeau, Mao og Altomare hafa þegar verið kynntar og í dag verður fram haldið með Sherman Santiwiwatthanaphong.

Hin thailenska Sherman Santiwiwatthanaphong fæddist 9. nóvember 1996 og verður því 20 ára á þessu ári.

Santiwiwatthanaphong sigraði á  Symetra Tour Championship í október 2015 og hlaut því takmarkaðan spilarétt á LPGA í ár.  Í 14 mótum sem hún tók þátt í 2015 á  Symetra Tour varð hún í 20. sæti á Volvik Race for the Card peningalistanum.

Santiwiwatthanaphong spilaði líka á Thailand LPGA mótaröðinni 17 og 18 ára þ.e. 2014 og 2015.

Uppáhaldslið Santiwiwatthanaphong í enska boltanum er Manchester United.

Viðtal var tekið við Santiwiwatthanaphong, sem birtist á vefsíðu LPGA og sjá má með því að SMELLA HÉR: