GG og GL vinavellir GR sumarið 2016

Á heimasíðu GR má finna eftirfarandi tvær fréttir:

1  „Það er okkur sönn ánægja að tilkynna félagsmönnum GR áframhaldi samstarf við Golfklúbbinn Leyni á komandi sumri. Samstarf Golfklúbbs Reykjavíkur og Golfklúbbsins Leynis hófst upphaflega árið 2004 og er mikil ánægja af því að tilkynna um samstarf klúbbanna tólfta árið í röð. Samstarf félaganna hefur gengið gríðarlega vel á þeim árum sem þeir hafa unnið saman. Óhætt er að segja að Garðavöllur á Akranesi sé sá völlur sem félagsmenn GR heimsækja hvað mest yfir sumartímann.

Að venju gilda áfram sömu reglur eins og undanfarin ár þegar félagar í GR heimasækja vini okkar á Akranesi. Félagsmenn Golfklúbbs Reykjavíkur greiða kr. 1600 í vallargjald í hvert sinn er þeir leika Garðavöll og skiptir ekki máli hvort leiknar séu 9 eða 18 holur. Áður en leikur hefst skal framvísa félagsskírteini og greiða vallargjald í afgreiðslu. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.
Eins og undanfarin ár verður útbúinn bókunarlinkur á síðu GR á www.golf.is undir rástímar – vellir.

Með þessari frétt hefur Golfklúbbur Reykjavíkur tilkynnt tvo vinavelli fyrir komandi sumar. Vinavöllur númar þrjú í röðinni verður kynntur á föstudaginn kemur.

Golfklúbbur Reykjavíkur“

Skrúður 3. brautin á Garðavelli, Akranesi, öðrum vinavelli GR sumarið 2016.

2 „Golfklúbbur Reykjavíkur hefur gert vinavallasamning við Golfklúbb Grindavíkur, Hústóftarvöll, fyrir sumarið 2016. Greiða félagsmenn Golfklúbbs Reykjavíkur kr. 1600 í vallargjald í hvert sinn er þeir leika Húsatóftarvöll og skiptir þá ekki máli hvort leiknar séu 9 eða 18 holur. Áður en leikur hefst skal framvísa félagsskírteini og greiða vallargjald í afgreiðslu Golfklúbbs Grindavíkur. Samkomulagið gildir ekki ef félagsmenn leika með hópum, sem gert hafa sérstaka samninga um afslætti af vallargjöldum, eins og t.d fyrirtækjamót.

Með undirskrift þessa samnings eru klúbbarnir að hefja sitt fyrsta samstarf sín á milli. Mikil uppbygging hefur verið í gangi hjá Golfklúbbi Grindavíkur frá árinu 2009 þar sem ráðist var í viðamiklar framkvæmdir á vellinum. Samhliða stækkun Húsatóftavallar í 18 holur var tekinn í gagnið nýr golfskáli sem var opnaður árið 2012.

Með þessum samning er að bætast við nýr kostur í hóp vinavalla fyrir félagsmenn GR. Til þæginda fyrir félagsmenn verður útbúinn bókunarlinkur á síðu GR á www.golf.is undir rástímar – vellir.

Heimasíðu Golfklúbbs Grindavíkur má finna hér.

Fleiri vinavellir fyrir félagsmenn GR verða kynntir á næstu vikum.

Við minnum á að enn eru nokkur laus pláss fyrir sumarið 2016.„