Lexi púttar með augun lokuð

Lexi Thompson var mjög heit á fyrsta hring Coates Golf Championship í gær, miðvikudaginn 3. febrúar 2016. – hún púttaði með augun lokuð.  Grínlaust.

Lexi púttaði með augun lokuð og lauk 1. hring sínum í mótinu á 3 undir pari 69 höggum. Af hverju?

Lexi að pútta með augun lokuð

„Mér líður eins og ég sé að brenna gat á golfboltanum með augunum stundum,“ sagði Lexi.

Lexi sagðist jafnframt ekki hafa haft mikla tilfinningu fyrir pútternum sínum síðasta keppnistímabil þannig að hún fór að pútta með augun lokuð á æfingaflötinni á síðasta móti síðasta keppnistímabils, þ.e. CME Group Tour Championship.

„Það hjálpaði púttstrokunni minni,“ sagði Lexi ánægð þannig að hún hélt bara áfram að pútta með augun lokuð.

Lexi náði að setja svo mörg pútt niður á æfingum og var að fá tilfinninguna fyrir púttunum aftur að hún fór að pútta með augun lokuð í mótum. Það gekk bara býsna vel hjá henni í gær en hún fékk 7 fugla og 2 skolla á fyrstu 12 holunum.  Síðan fór allt niður á við – hún var að slá og pútta vel á fyrri 9 en aðeins að slá vel á seinni – púttin voruhenni erfið – þannig þrípúttaði Lexi af 2 metra færi á 14. holu.

Lexi er ekki fyrsti atvinnumaðurinn í golfi á LPGA Til að pútta með augun lokuð. Norska frænka okkar Suzann Pettersen gerði það líka á tímabili.

Sjá má stöðuna á  Coates Golf Championship með því að SMELLA HÉR: