Nýju stúlkurnar á LPGA 2016: Heather Bowie Young (15/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 14 stúlkur verið kynntar, 7 sem urðu T-43 í lokaúrtökumótinu og voru neðstar af þeim sem hlutu þátttökurétt á LPGA; síðan Caroline Westrup og Samantha Richdale, sem deildu 41. sætinu og svo þær 5 sem urðu í 36. sæti þ.e.  Karlin Beck, Nicole Jeray, Ani Gulugian og Ssu Chia Cheng og nú síðast Anne-Catherine Tanguay frá Kanada.

Nú verður haldið áfram og næst kynntar þær 4 sem deildu 32. sætinu en það eru:  Su Oh; Demi Runas;  Heather Bowie Young og Pavarisa Yoktuan.  Byrjað verður á að kynna Heather Bowie Young.

Heather Bowie Young fæddist í Washington DC 23. mars 1975 og er því 40 ára. Hún byrjaði að spila golf 11 ára. Meðal áhugamála hennar eru matseld og að hjóla. Heather er skyld Buzz Nutter, sem spilaði 12 keppnistímabil í NFL. Þeir sem áhrif hafa haft á feril Heather segir hún vera þá Dennis Bowie og Michael Hunt.

Sem áhugamaður varð húnNCAA Division I National Champion árið 1997 og vann Honda viðurkenninguna. .

Bowie-Young gerðist atvinnumaður í golfi 2000 og sigraði fyrsta sinn á LPGA árið 2005 á Jamie Farr Owens Corning Classic.

Árið 2003 Heather Bowie Young í bandaríska Solheim Cup liðinu þegar spilað var í Barsebäck í Svíþjóð. Hún hefir unnið sér inn $ 3,054,329 (u.þ.b. 620 milljónir íslenskra króna) og 27 sinnum orðið meðal efstu 10 á 12 árum sínum á LPGA frá 2000-2011. Hún var með fullan spilarétt á LPGA en er nú aðeins með takmarkaðan spilarétt einsog áður er komið fram þar sem 32. sætið dugði ekki til að halda fullum spilarétti.